Aðalfundur Atvinnuþróunarfélags Eyjafjarðar, 20. maí 2015 kl. 15, Laugarborg í Eyjafjarðarsveit
Fundarstjóri: Svanfríður Inga Jónasdóttir.
Ritari: Elva Gunnlaugsdóttir.
Dagskrá samkvæmt samþykktum AFE.
Formaður stjórnar Unnar Jónsson setti fundinn og bauð alla velkomna.
1. Skýrsla stjórnar
Formaður stjórnar fór yfir helstu verkefni AFE: Arctic Services, uppbygging í Hlíðarfjalli, eingáttastefnu stjórnvalda í flugmálum, Vistorku, byggðarvanda í Grímsey, VaxEy/Uppbyggingarsjóðurinn og ráðgjöf til fyrirtækja og sveitarfélaga
Staða félagsins er sterk að mati stjórnar og framkvæmdastjóri ötull að sinna verkefnum sem til félagsins koma. Formaður hvatti til þess að farið verði yfir skörun verkefna þeirra stofnana sem vinna að atvinnu og nýsköpun, þannig að skýrari línur séu milli þeirra og hver og ein geti meira sérhæft sig og nýtt krafta þeirra sem að þessu vinna betur en nú er.
2. Ársreikningur
Framkvæmdastjóri fór yfir ársreikning félagsins. Sjálfsaflafé hefur dregist saman og opinber framlög stóðu í stað. Að sama skapi drógst reksturinn saman. Félagið býr ennþá við verulegt óhagræði vegna leigusamnings. Áætlun sem lögð var fram síðasta ári gekk að miklu leyti eftir.
Efnahagsreikningur – Gáf gerði upp við AFE.
AFE hefur sýslað með Vaxtasamning Eyjafjarðar undanfarin ár – starfsmaður hefur farið yfir umsóknir og lagt fyrir stjórn VaxEy til úthlutunar. Allt það starf hefur verið mjög faglegt og til fyrirmyndar. Uppbyggingarsjóður Norðurlands eystra hefur tekið við af Vaxtasamning Eyjafjarðar og Þingeyinga og Menningarsamning Eyþings.
3. Umræður um skýrslu stjórnar og afgreiðsla ársreiknings
Engar athugasemdir voru gerðar við skýrslu stjórnar eða ársreikning. Fundarstjóri bar upp ársreikning til samþykktar og var samþykktur samhljóða.
4.Breytingar á samþykktum
Engar tillögur að breytingum bárust.
5. Skipun stjórnar
Eiríkur Haukur Hauksson (Svalbarðstrandahrepp) hættir í stjórn ( skiptiregla) og Snorri Finnlaugsson fyrir Hörgársveit kemur í hans stað. Að öðru leiti er stjórn óbreytt. Skipað er í stjórn samkvæmt samþykktum.
6. Fjárhæð rekstrarframlags aðildar sveitarfélaganna til AFE per. íbúa skv. íbúaskrá 1. desember árið á undan.
Ekki liggur fyrir breytingartillaga varðandi framlög. Samkvæmt samþykktum á að greiða samkvæmt fjölda íbúa samkvæmt íbúaskrá frá 1. desember árið á undan til viðbóta við vísitöluhækkun.
7. Ákvörðun um þóknun stjórnar
Fylgir nefndum Akureyrarbæjar.
8. Hvernig skuli fara með hagnað eða tap félagsins á reikningsárinu
Stjórn samþykkti að hagnaður skyldi fluttur á næsta ár.
9. Önnur mál
Steinunn María tók til máls varðandi sameiningu framhaldsskólanna – kynnti bókun sem stjórn AFE samþykkti á stjórnarfundi. Stjórn AFE mótmælti því samráðsleysi sem viðhaft hefur verið í þessu máli.
Logi Már Einarsson formaður stjórnar Eyþings tók til máls, kynnti ályktun stjórnar Eyþings frá því fyrr um daginn.
Fundarstjóri sleit fundinum kl. 15.37.